अण्डा

कतिलाई नहुन सक्छ कि बालबालिकामा अण्डाको एलर्जी हुनसक्छ । अण्डाको एलर्जीकै कारण बालबालिकाको स्वास्थ्यमा नकारात्मक असर पर्न सक्छ , कसैकसैमा अण्डाको एलर्जी यति धेरै हुन्छ कि अण्डाको सेवनले उनीहरुलाई वान्ता हुनु, पखाला लाग्नु पेट फुल्नुका साथै ज्यानै जानेसम्मको खतरा बढेर जान्छ ।

यदि अण्डा खाए लगत्तै बच्चाको पेट अचानक फुलेमा, राम्ररी सास लिन नसके, चिलाउने, मुटुको धड्कन बढेमा तुरुन्तै चिकित्सककाहाँ लानुपर्छ ।

घाटीमा अड्कने खानेकुरा

ससाना बच्चाले चबाएर खान सक्दैनन् । जसका कारण उनीहरुले खाएको खानेकुरा घाटीमा अड्कने सम्भावना धेरै हुन्छ ।

मह

मह हाम्रो स्वास्थ्यका लागि निकै उपयोगी मानिन्छ । जबकी स-साना बालबालिकाहरुको लागि यसले स्वास्थ्यमा नकारात्मक असर पार्न सक्छ । विशेषगरी एक वर्ष मुनीका बालबालिकाको लागि मह निकै हानीकारक छ ।

कैफिनयुक्त पदार्थ

निश्चित उमेर पश्चात्तमात्र कैफिन लिनु उपर्युक्त हुन्छ । सानै उमेरमा कैफिनयुक्त पदार्थको सेवनले शरीरमा नकारात्मक समस्या देखिने गर्छ ।

यसले बालबालिकामा अनिद्राको समस्या उत्पन्न हुनसक्छ । त्यसैले, कुनै पनि पदार्थ सेवन गराउनु पूर्व चिकित्सकको सल्लाह अनिवार्य मानिन्छ ।

गाईको दूध

हामीलाई लाग्छ, गाईको दूध पोषिलो हुन्छ, त्यसैले शिशुका लागि फाइदाजनक छ । जबकी एक वर्ष भन्दा साना बालबालिकाको लागि गाईको दूध हानीकारक छ ।

गाईको दूधमा प्रशस्त मात्रामा भिटामिन, मिनरल्स तथा जिङ्क हुन्छ, जुन साना बच्चाले पचाउन सक्दैनन् । त्यसैले गाईको दूध ख्वाउदा शिशुहरुलाई उल्टी आउने, पेट दुख्ने, आउ पर्ने लगायतका समस्या हुने गर्छ ।

यसले शिशुलको मृगौलालाई समेत नकारात्मक प्रभाव पार्छ ।

त्यसैले, यदी एक वर्ष मुनीका बालबालिकालाई गाईको दूध नै ख्वाउनु परेमा पनि एक चौथाई दूधमा दुई चाथाई बराबर पानी मिसाएर सेवन गराउन चिकित्सकहरु सल्लाह दिन्छन् ।

बदाम

शिुशुलाई कुनै पनि बदाम ख्वाउनु पूर्व सावधानी अपनाउन जरुरी छ । यस्ता बदाम शिशुले चपाउन नसक्ने भएकाले घाँटीमा अड्किने सम्भावना बढी रहन्छ ।

त्यसैले, जब बच्चाको दातँ आउन थाल्छ, तव मात्र शिशुलाई बदाम ख्वाउन उपर्युक्त हुन्छ ।

माछा

माछामा काडा हुने भएकोले अभिभावक आफ्ना शिशुलाई माछा सेवन गराउन डराउँछन् । जुन स्वभाविक पनि छ । माछामा ओमगा ३ नामक फैटी एसिड पाइन्छ ।

त्यस्तै यसमा मर्करीको मात्रा धेरै हुन्छ, जुन बालबालिकाको शारीरीक विकासको लागि जरुरी पनि छ । यद्यपी, माछामा काडा हुने भएकोले यस्ता काडावाल माछा ख्वाउन अगाडी सजगता अपनाउन जरुरी पनि छ ।

स्वास्थको सहयोगमा 

 

Topics #अनुकुल #खानेकुरा #सानो बच्चा