ग्रिन वा ब्ल्याक टी पिउनुहोस्ः

काम गरिरहेका बेला धेरै दुध वा चीनि भएको चिया नखानुहोस् । त्यसको साटो ब्ल्याक वा ग्रिन टी दिनमा दुई वा तीन पटक खानुहोस् । यी दुबैले तौल घटाउन सहयोग गर्दछ ।

पर्याप्त सुत्नुहोस्ः

दिनभरीको काम पछि दैनिक कम्तीमा ७ घण्टा सुत्नुहोस् । यसले भोक बढाउने हर्मोनलाई बढाउँदैन भने तौल घटाउन पनि सहयोग गर्दछ ।

थोरै टहल्ने गर्नुस्ः

अफिस समयमा हरेक एक वा दुई घण्टापछि १० मिनेट टहल्नुहोस् । यसले खाना सही तरिकाले पच्ने गर्दछ भने तौल घट्नेछ ।

तनाव कम लिनुहोस्ः

कामका बेला तनाव कम लिनुहोस् । तनाव धेरै लिँदा शरिरमा भोक जगाउने हर्मोनको स्तरमा वृद्धि हुन्छ । तौल घटाउनका लागि योगा र ध्यानको सहयोग लिनुहोस् ।

मनतातो कागती पानीः

बिहान उठ्ने बित्तिकै दैनिक एक गिलास मनतातो कागती पानी पिउनुहोस् । यसले पाचन क्रिया बलियो हुनुका साथै तौल घटाउनमा पनि सहयोग गर्दछ ।

ब्रेकफास्ट अवश्य गर्नुहोस्ः

ब्रेकफास्ट खाने समय जसरी पनि निकाल्नुहोस् । खाना खान ढिला हुँदा पनि यसले शरिरमा ऊर्जाको स्तरलाई कायम राखेको हुन्छ जसका कारण मेटाबोलिजम (फ्याट बर्निङ प्रोसेस) माथि नराम्रो असर पर्दैन ।

स्न्याक्स नखानुहोस्ः

काम गरिरहेका बेला उच्च क्यालोरीयुक्त स्न्याक्स नखानुहोस् । यसले शरिरमा फ्याट कम गर्न सहयोग गर्नेछ ।

सलाद धेरै खानुहोस्ः

दिउँसो जतिबेला खानुहुन्छ सलादको मात्रा धेरै खानुहोस् । यसले पेट चाँडै भरिन्छ जसका कारण हामी अतिरिक्त खानबाट बच्छौं ।

स्वास्थको सहयोगमा 

 

Topics #तौल घटाउन #व्यस्त दैनिकी