खादा मिठो हुने खानेकुरा  भित्र पर्छ सखर । माघे संक्रान्ति नजिकिएसँगै बजारमा चाकु र सखरजन्य पदार्थ पाइन थालेको छ । सखर वा चाकूको प्रयोग परम्पराका साथमा स्वास्थ्यसँग पनि जोडिएको छ ।

यस्ता छन् सखरका फाइदाः

एक पाउ ज्वानो र एक पाउ सखरको धुलो मिसाएर औषधि तयार पार्नुहोस् । हरेक दिन बिहान–बेलुका तातोपानीसँग एक–एक चम्चा सेवन गर्नुहोस् । कम्मर दुख्ने समस्याबाट राहत मिल्छ ।

पिसाब पोल्ने समस्या तथा जन्डिस भएकाले पनि सानो टुक्रा सखर पानीमा मिसाएर सेवन गर्दा औषधिको काम गर्छ ।

ज्वानो र सखरको धुलो मिसाएर एक चम्चा बनाउनुहोस् । यसलाई पानीमा राम्रोसँग उमालेर पिउनाले घाँटी बसेको समस्यामा राहत दिन्छ ।

भुटेको ज्वानो र सखर मिसाएर लड्डु बनाउनुहोस् । यसलाई मिस्रीपानीसँग मिलाएर दुई सातासम्म नियमित सेवन गर्दा शरीर दुखेको निको हुन्छ ।

पाँच–सात दाना जिरा पानीमा राखेर पकाउनुहोस् । त्यही पानीमा सखर राखेर चियाजस्तै गरी दिनमा तीन–चारपटक खानुहोस् । पुरानो ज्वरो निको हुन्छ ।

दुई दाना फुराएको मरिच पिनेर मसिनो पाउडर तयार पार्नुहोस् र एक चम्चा सखरमा मुछेर स–साना गोली तयार पार्नुहोस् । यस्ता गोली दिनमा तीन–चारवटा चुस्ने गर्दा अड्किएको कफ निकाल्न सहज गराउँछ ।

आधा चम्चा भुटेको रायोको धुलोमा सखर राखेर एक चम्चा बनाउनुहोस् र एक गिलास मनतातो पानीसँग निल्नुहोस् । पेट दुखेको बेला यसले आराम दिन्छ ।

स्वास्थको सहयोगमा 

Topics #सखर किन खानु