बदाम

बदाममा भिटामिन, आइरन, फस्फोरस र क्याल्सियमको मात्रा अधिक हुन्छ । यसले शरीरलाई स्वस्थ बनाउनुका साथै सुन्दर पनि राख्छ । रातमा तीनवटा बदाम भिजाएर राख्नुस् । बिहान खाली पेट त्यो बदाम खानुस् ।

मम्फली बदाम

मम्फली बदाममा क्यालोरी र बोसो अत्यधिक हुन्छ । दिनदिनै बदाम खाँदा शारीरिक कमजोरी हट्छ ।

ओखर

ओखरमा क्यालोरी उच्च मात्रामा हुन्छ जसले शरीरलाई स्वस्थ राख्छ । नियमित रूपमा २० ग्राम ओखर खाँदा तौल बढ्न थाल्छ ।

नरिवलको दूध

नरिवलले सुन्दरता बढाउनुका साथै शरीरलाई स्वस्थ राख्छ । नरिवलको दूधमा भोजन पकाएर खाँदा शरीरमा क्यालोरीको मात्रा बढ्छ । दिनदिनै नरिवल पानी तथा नरिवलबाट बनेका कुरा खाँदा पनि तौल बढ्छ ।

पूर्ण अनाज (ह्वोल ग्रेन)

गहुँ, मकै, जौ, ओट्स जस्ता पूर्ण अनाज खाँदा अनेकौं रोगबाट बच्न सकिन्छ । पूर्ण अनाजमा पिँधेको अनाजमा भन्दा बढी क्यालोरी र भिटामिन हुन्छ र यसले शरीरलाई ऊर्जा प्रदान गर्छ ।

प्रोटीन

दूध, चीज, मम्फली बदाम, बटर, खजुर, दाल र गेडागुडीमा प्रोटीनको मात्रा अधिक हुन्छ । दिनदिनै यसलाई सेवन गर्दा शरीरको कमजोरी हट्छ ।

आलु

आलुमा कार्बोहाइड्रेट्स र सुगर पर्याप्त हुन्छ । आलुलाई उमालेर, ग्रिल गरेर वा स्यान्डविच बनाएर खान सक्नुहुन्छ । दिनदिनै आलु खाँदा केही दिनमै तौल बढ्छ ।

केरा वा आँप

दिनमा कम्तीमा दुईवटा केरा खानुस् । योग वा व्यायाम गरेपछि केरासँग दूध पिउनु लाभदायक हुन्छ । केरा मन पर्दैन भने आँप खान सक्नुहुन्छ ।

अश्वगन्धा, शतावरी जस्ता आयुर्वेदिक औषधि र नियमित व्यायामले पनि तौल बढाउन सहायता गर्छन् ।

स्वास्थको सहयोगमा 

Topics #दुब्लो #मोटाउने बिधि