मानिसले खानेकुरा राम्ररी चपाएर खानुपर्छ । राम्ररी चपाएर खाएन भने स्वास्थमा बेफाइदा हुन्छ ।

– राम्रोसँग चपाएर खाना खाएमा राम्रोसँग पच्छ र पाचन प्रक्रिया बलियो बन्न पुग्छ । अधिकांश रोग पेटको खराबीका कारण उत्पन्न हुने हुँदा बढी चपाएर खाना खाने गर्नाले स्वास्थ्य राम्रो हुँदै जान्छ ।

– राम्रोसँग चपाएर खाँदा थोरै खानाबाट पनि शरीरले पर्याप्त पोषक तत्व पाउँछ । त्यही भएर खाद्यान्न संकट आउन नदिन पनि हामीले बढी चपाएर खाने बानी बसाल्नुपर्छ ।

– राम्रोसँग चपाएर खाँदा भोक ढिलोगरी लाग्छ, जसले गर्दा शरीरको वजन बढ्न पाउँदैन । त्यही भएर वजन घटाउन चाहनेले थालमा थोरै खाना लिएर समय लगाएर चपाई–चपाई खाने बानी बसाल्नुपर्छ ।

– बिस्तारै राम्रोसँग चपाएर खाँदा खाना कम खाइन्छ । किनकि, चपाएर खाएमा पेट चाँडै अघाउँछ र स्वाभाविक रूपमा शरीरको वजन कम हुन जान्छ ।

– राम्रोसँग चपाएर खाने गर्नाले खानामा पाइने प्रोटिन, क्याल्सियम, आइरन, भिटामिनलगायत पोषक तत्व हाम्रो शरीरमा राम्रोसँग घुल्न पाउँछन् जसको कारण मोटाउने सम्भावना कम हुन्छ । शरीर स्वस्थ र फिट रहन्छ ।

स्वास्थको सहयोगमा

Topics #राम्ररी चपाएर