गोलभेंडाले खानाको स्वाद बढाउन मद्दत गर्छ । साथै गोलभेंडामा स्वास्थ्य बढाउने तत्त्व पनि भरपूर मात्रामा हुन्छ । सूप, सलाद र अचारमा गोलभेंडा उपयुक्त हुन्छ ।

गोलभेँडाका फाइदाहरु यसप्रकार छन् 

१ कपाल र छाला चम्काउँछ

घामबाट आउने विकिरण, प्रदूषण आदिका कारण कपाल झर्ने, पातलो हुने, फुस्रो हुने र टुक्रिनेलगायत समस्या आउँछन् । साथै, छाला सुखा, रुखो र फुस्रो हुने गर्छ ।

गोलभेँडा खाँदा यसमा पाइने लाइकोपेन नामक तत्वले कपाल र छालालाई चम्किलो बनाइराख्छ । साथै, गोलभेँडा अनुहारमा दल्नाले यसले फेसियल क्लिन्जरको काम राम्रोसँग गर्छ ।

२ क्यान्सरको जोखिम घटाउँछ

गोलभेँडामा पाइने लाइकोपेन नामक तत्वले शरीरमा क्यान्सरका कोषको विकास र विस्तार हुने क्रम कम हुने विभिन्न अनुसन्धानले देखाइसकेका छन् । खासगरी गोलभेँडा खानाले प्रोस्टेट र आन्द्राको क्यान्सर हुने सम्भावनालाई कम गर्छ ।

गोलभेँडा जति पकायो, यसमा रहेको लाइकोपेनको मात्रा उति बढ्ने भएकाले गोलभेँडा फत्काएर अचार खाने गरिरहनुपर्छ ।

३ हड्डी बलियो पार्छ

गोलभेँडामा भिटामिन–के र क्याल्सियम प्रशस्त मात्रामा पाइन्छ । यसले हड्डीलाई बलियो बनाउँछ ।

४ चुरोटको हानि कम गर्छ

चुरोट पिउने अथवा चुरोट पिउनेसँग निकटको सम्बन्ध हुने व्यक्तिको फोक्सोलगायत अंगमा समस्या उत्पन्न हुने गर्छ । यसलाई गोलभेँडामा पाइने काउमरिक एसिड र क्लोरोजेनिक एसिडले कम गरिदिन्छन् ।

 

 

५ रगत शुद्ध बनाउँछ

गोलभेँडामा भिटामिन–ए र भिटामिन–सीजस्ता एन्टी–अक्सिडेन्ट तत्व प्रशस्त मात्रामा पाइन्छ । यसले रगतलाई शुद्ध बनाउँछ । गोलभेँडाको सलाद खायो भने शरीरमा भिटामिन–सीको आपूर्ति बढी हुन्छ ।

६ मुटुु बलियो बनाउँछ

गोलभेँडामा पाइने भिटामिन–ए, भिटामिन–बी, पोटासिमजस्ता तत्वले मुटुसम्बन्धी रोग लाग्ने जोखिम घटाउनुका साथै रगतमा कोलेस्ट्रोलको मात्रा बढ्नसमेत दिँदैन ।

७ सुगर नियन्त्रण गर्छ

गोलभेँडामा क्रोमियम नामक तत्व पाइन्छ, जसले रगतमा सुगरको मात्रा बढ्नबाट जोगाउँछ । त्यही भएर डायबेटिजका रोगीले गोलभेँडा सकेसम्म बढी खाने गर्नुपर्छ ।

८ पाचनक्रिया बलियो बनाउँछ

गोलभेँडा खाने गर्नाले कब्जियत निको हुने र पाचन क्रिया बलियो हुने गर्छ । खाना खाइसकेपछि अन्त्यमा पाकेको एउटा गोलभेँडा खाने गर्नु राम्रो हुन्छ ।

९ रोगप्रतिरोधी क्षमता बढाउँछ

गोलभेँडामा पाइने भिटामिन–ए र खनिजले शरीरको रोगप्रतिरोधी क्षमता बढाउँछन् ।

१० तनाव घटाउँछ

गोलभेँडामा भिटामिन–सी प्रशस्त मात्रामा पाइन्छ । यसले शरीरमा रहेको स्ट्रेस हार्मोन कम गरी व्यक्तिलाई तनावरहित बनाउन मद्दत गर्छ ।

११ बोसो कम गर्छ

गोलभेँडा खाने गर्नाले शरीरमा कार्निटाइन नामक एमिनो एसिडको मात्रा बढ्छ र यसले शरीरमा रहेको अनावश्यक बोसो काट्ने गर्छ ।

१२ भातको माडका लाभ

हामीले पकाउने भात आधा पाकिसकेपछि तयार हुने बाक्लो तरल पदार्थलाई भातको माड भनिन्छ । कान्जी समेत भनिने यो भातपानी स्वास्थ्यका दृष्टिले धेरै हितकर छ ।

छालाको समस्यादेखि स्वास्थ्यसँग प्रत्यक्ष सरोकार राख्ने अन्य समस्याको समाधानका लागि भातको माड प्रभावकारी मानिन्छ । यसका फाइदा यस प्रकार छन् ।

१३ कसिलो छाला

भातको माडलाई अनुहारमा लेपन लगाउँदा अनुहार सफा र चम्किलो हुन्छ । यसमा सफा गर्ने विशेष तत्व हुने भएकाले फेस वास वा टोनरका रुपमा प्रयोग गर्न सकिन्छ । यसको नियमित प्रयोगले छाला कसिलो र जवान मानिसको जस्तै कलिलो र चम्किलो बनाउँछ ।

१४ भाइरल संक्रमण

भाइरल संक्रमणका बेला वान्ता आउने तथा शरीरमा डिहाइड्रेसन हुने गर्छ । भातको माडले डिहाइड्रेसनबाट मात्र जोगाउँदैन, ज्वरो आउँदा गुमाएको आवश्यक पोषण तत्वको पूर्ति गरिदिन्छ ।

१५ पखालाको औषधि

बालबालिकामा पखाला रोक्न भातको पानी निकै प्रभावकारी औषधि हो । यो पानीले बालबालिकाको पेट गडबडी हुने प्रक्रियालाई नियन्त्रण गरी आनन्द प्रदान गर्छ । पखाला लाग्दा शरीरबाट अत्यधिक पानी जाने भएकाले भातको पानीले पूर्ति गरिदिन्छ ।

१६ कब्जियतको समाधान

भातको पानीमा हुने फाइबरले पेट दुख्ने र पाचनसँग सम्बन्धित अन्य समस्यालाई समाधान गरिदिन्छ । पेट डुम्म भयो वा शौच गर्न समस्या भएमा दैनिक एक गिलास भातको माड खाँदा कब्जियतबाट मुक्ति मिल्छ ।

१७ स्वस्थ कपाल

भातको पानीले कपालमा चमक ल्याउनुका साथै कपाल उम्रन सहयोग गर्छ । गर्मी मौसममा भातको पानीलाई शिरमा दल्दा टाउकोमा शीतल अनुभूति हुन्छ र यसले कपाललाई पनि छिटो छिटो वृद्धि गराउँछ ।

स्याम्पु दलेपछि कपालमा कन्डिसनर मसाज गरेजस्तै गरी भातको पानी प्रयोग गर्नुहोस् र केही मिनेटपछि चिसो पानीले सफा गर्नुहोस्, कपाल मुलायम र चम्किलो हुन्छ ।

 

 

१८ शीतल स्नान

भातको पानीमा एउटा स्वाभाविक चिस्याउने तत्व हुन्छ । यो सूर्यको प्रकाशले डढेको छालालाई चिस्याउन र जलन रोक्न भातको पानी प्रभावकारी उपाय हुन सक्छ ।

मलमलको कपडामा केही अधकल्चो पाकेको चामल खन्याउनुहोस् र आधा घन्टा नुहाउने पानीमा राख्नुहोस् । भातको पानीले नुहाएर स्वच्छ र फुर्तिलो हुनुहोस् ।

१९ दादुरा र बिमिरा निको पार्छ

भातको माडमा हुने कार्बोहाइड्रेडले दादुरा र शरीरमा आउने बिमिरा र घाउ निको पार्न सहयोग पु¥याउँछ । चिस्याएको भातको माडमा एउटा कटनको टुक्रा भिजाएर लगाउँदा शरीरका बिमिरा र दादुरालाई निको पार्छ ।

आगोले पोलेको छालामा चिस्याएको भातको माडले पनि शरीरलाई शीतलता प्रदान गर्छ ।

गोलभेंडाको जुस पिउदाका फाइदा, यस्ता छन्

शारीरिक व्यायाम गरेपछि शरीरको ऊर्जा कम हुन्छ । यस ऊर्जाको कमीलाई हटाउन हामीहरू एनर्जी ड्रिंक लिन्छौं तर हराएको ऊर्जालाई फेरि पाउनका लागि सबभन्दा सजिलो तरिका गोलभेंडाको जुस पिउनु हो ।

गोलभेंडामा भएका रसायनले व्यायामपछि मांसपेशी तन्किएर दुखेकोलाई शान्त पार्छन् र रक्तसञ्चारलाई पनि सामान्य बनाउँछन् । यस्तै, गोलभेंडाले स्वास्थ्यमा अन्य पनि धेरै फाइदा गर्छ ।

गोलभेंडाले खानाको स्वाद बढाउन मद्दत गर्छ । साथै गोलभेंडामा स्वास्थ्य बढाउने तत्त्व पनि भरपूर मात्रामा हुन्छ । सूप, सलाद र अचारमा गोलभेंडा उपयुक्त हुन्छ । यसले छालाको चमक पनि बढाउन मद्दत गर्छ ।

गोलभेंडामा पोटेसियम, भिटामिन सी र लाइकोपिन पर्याप्त मात्रामा पाइनुका साथै कोलेस्ट्रोल घटाउने तत्त्व पनि पाइन्छ । पोषक तत्त्वहरूले भरपूर गोलभेंडाको जुस पिउँदा स्वास्थ्यमा धेरै फाइदा पुर्याउँछ ।

तपाईलाई यो जानकारी कस्तो लाग्यो ? हाम्रो जानकारीहरु अरुलाई पनि देखाउन कृपया सेयर गर्नुहोला ।
तपाइको एक सेयरले  थाहा नभएकाहरुले ज्ञान पाउछन भने हामीलाई पनि सहयोग हुनेछ । धन्यवाद ।

Topics #गोलभेँडा #गोलभेँडाका फाइदा #गोलभेंडाको जुस