हाम्रै गाउँ घरमा पाईने पिँडालु खानुका यतिधेरै फाईदा जानिराखाै

सामान्यतया तरकारीलाई हामीले स्वाद अनुसार रोज्ने गर्छौं । तर तरकारी रोज्दा पौष्टिकताको आधारमा पनि रोज्नु आवश्यक हुन्छ । स्वादको दृष्टिकोणले हेर्दा धेरैलाई पिडालु मन पर्दैन । तर पिंडालु, कर्कलो, पाप्रो, गडरी, अरबी नामको यो तरकारीमा भने धेरै पौष्टिकता लुकेको हुन्छ ।

यसको डाँठ, पात तथा जरा सबै तरकारीको रूपमा उपयोग गर्न सकिन्छ । पिँडालु सहजै पाइने, स्वादिलो र धेरै तरिकाले स्वाद लिन सकिने तरकारी हो । यसलाई उसिनेर खान सकिन्छ, तरकारी बनाउन सकिन्छ, अचारको रुपमा स्वाद फेर्न सकिन्छ । पिँडालु फलहारको रुपमा पनि खाइन्छ ।

पिँडालु मात्र होइन, त्यसको डाँठ र पाँतको (कर्कलो वा गाभा) समेत विभिन्न परिकार बनाएको खान सकिन्छ । त्यसो त यसमा आलुमा भन्दा पनि धेरै मात्रामा प्रोटिन र काइब्रोहाइड्रेट पाइन्छ ।

यति मात्र कहाँ हो र,पिंडालुमा प्राकृतिक फाइबर, प्रोटीन, पोटाशियम, भिटामिन ए र सी, क्याल्सियम, आइरन, एन्टिअक्सिडेन्ट जस्ता पोषक तत्व हुन्छ । आउनुहोस् आज हामी तपाईलाई पिँडालु खानुका फाइदाका बारेमा जानकारी दिन गैरहेका छौँ ।

पिडालुको तरकारी खाने गर्नाले रगतलाई यसले सफा बनाइदिन्छ । यसले रक्तसंचारमा पनि सन्तुलन ल्याउने हुनाले रगत सम्बन्धि बिमार, उक्त रकताचाप कम हुँदै जान्छ । यसको तरकारी खाने गर्नाले मधुमेह पनि कम हुँदै जान्छ । पिडालुको पात पनि स्वाथ्यको लागि फाइदाजनक हुन्छ।

पिडालु र पिडालुको पात खाने गर्नाले छाला झोल्लिने, खुम्चिने समस्या कम हुँदै जान्छ र अनुहारमा चमक आउँछ । पिडालु खानाले सुत्केरी महिलाको स्तनमा दुध भरिन्छ । पिडालुको पातको रस चार दिनसम्म खानाले पिसाब पोल्ने समस्या कम हुन्छ ।

उक्त रस रगत बगिरहेको घाउमा लगाउनाले रगत बग्न रोकिन्छ । पिडालु खानाले लामो समय सम्म सताइरहेको खोकीबाट पनि छुटकारा पाउन सकिन्छ । पिडालुको सेवनले स्फूर्ती बढ्ने र तनाव कम हुने समेत हुन्छ । पिडालुमा धेरै गुण भएतापनि यो सबैको लागि भने उपयोगी नहुन सक्छ । पिडालुबाट एक किसिमको एलर्जी पनि हुन सक्छ ।

त्यसैले पिडालु खानासाथ केही त्यस्तो असर देखिन्छ भने चिकित्सकलाई देखाउनु पर्छ र यदि पिडालुकै कारण त्यो असर देखिएको भए पिडालु खान छोड्नुपर्छ। भित्री घाँटीमा केही खाँदा चिलाउने समस्या छ भने पिडालु खाँदा त्यस्ता व्यक्तिलाई असर हुन्छ । त्यस्तै वाक वाक लाग्ने समस्या भएका व्यक्तिहरुलाई पनि पिडालुले असर गर्छ ।

तपाईलाई यो जानकारी कस्तो लाग्यो ? हाम्रो जानकारीहरु अरुलाई पनि देखाउन कृपया सेयर गर्नुहोला ।
तपाइको एक सेयरले  थाहा नभएकाहरुले ज्ञान पाउछन भने हामीलाई पनि सहयोग हुनेछ । धन्यवाद ।